Категорија: Запознавање со светот на инвестирањето

Ефектот на Коронавирус пандемијата врз берзите

 

Светот од почетокот на годината до денес (26.03.2020) се соочува со најголемата пандемија во модерното живеење, која што драстично влијае врз начинот на живеење во актуелниот период. Коронавирусот Covid-19 има непроценливи штети врз сите нас, како од аспект на здравје, така и врз целокупната светска економија, со што целта на овој блог е да ги анализираме и дискутираме опасностите и можностите кои пазарот на капитал во моментов ги нуди.

Инвеститорите на светските берзи од почетокот на годината се обидуваат да ги проценат импликациите на оваа пандемија врз компаниите кои котираат на светските берзи. Соодветно на тоа, светските индекси забележаа значајни падови. Тоа значи дека цените на акциите на компаниите кои се дел од светските индекси се значајно пониски од нивото на кое беа на почетокот на годината.

Имајќи во предвид дека оваа пандемија не е прва во човештвото, за цел на анализата ги искористивме достапните податоци од времето на пандемијата на Шпанскиот Грип во текот на минатиот век.

Проценката на бројот на починати од Шпанскиот грип се движи од 50 до 100 милиони луѓе, додека вкупно инфицирани се претпоставува дека биле над 500 милиони луѓе.

На график бр1 е прикажан единствениот индекс кој датира од тоа време до денес Dow Jones Industrial Average. Индекс кој е составен од 30те најзначајни компании за американската економија.

Значајно е да се спомене дека Шпанскиот грип се појавува во втората половина на 1917 година, додека најголемиот импакт врз светот од аспект на заразени и починати луѓе го има од 1918 до 1920 година.

Од друга страна пак, најголемиот пад на берзата се забележува пред драматично да почне да се шири вирусот. Претпоставката за ваквата појава е дека пазарите на капитал, многу порано реагираат на вестите и многу често претставуваат предвесници на идниот период во економијата. Аналогно на тоа, може да се забележи дека заздравувањето на пазарите на капитал се случило за времетраење на самата пандемија и растот на индексот бил со релативно брзо темпо.

 

График бр.1

 

Доколку се вратиме на денешната ситуација и моменталната пандемија, можеме да забележиме дека до сега падот на DJIA Индексот од највисоката точка годинава до најниската изнесува 37,09%. Тоа значи дека износите кои сега ги инвестираат инвеститорите се инвестираат по драстично пониски цени од оние кои беа на почетокот на годината. Дополнително, можеме да увидиме дека моменталниот пад на берзите е дури и поголем од падот за време на пандемијата од Шпанскиот Грип во минатиот век кои изнесувал 33.44%.

Ваквите податоци ни даваат надеж дека можеби најлошото за пазарот на капитал е веќе поминато. Би сакале да напоменеме дека минатите случувања не мора да значи дека ќе се повторат, ниту пак претставуваат гаранција за идни приноси.

График бр. 2

 

Импактот на Коронавирусот врз економијата – Очекувања

 

Коронавирусот се очекува да има значаен одраз врз светската економија. Со цел намалување на стапката на ширење на вирусот, најголем дел од државите одлучија да преземат мерки кои доведоа до затворање на продавници, ресторани и слично, дополнително самото ширење на коронавирусот кај некои компании влијаеше за намалување на производствените и продажните капацитети.

Ваквата состојба може да влијае врз компаниите за намалување на бројот на вработени, најпрво на вработени со договор на дело, а потоа и постојани вработени. Тоа би се очекувало дополнително да има негативен ефект преку помалку средства за потрошувачка кај луѓето, што би довело и до помали приходи и добивки на компаниите.

Но, токму затоа државите не го оставаат пазарот сам на себе, туку одлучуваат значајно да ги корегираат ваквите аномалии и преку силна експанзивна политика да им помогнат на компаниите и граѓаните во пребродување на овој период.

Тоа што е извесно моментално се помали приходи и добивки на компаниите за 2020 година, нешто што очекуваме дека е веќе вградено во цените на инструментите на пазарот на капитал, имајќи предвид дека ваквиот исход е широко очекуван во светски рамки. Но, тоа на што ние најмногу би сакале да обрнеме внимание е дека вредноста на една компанија не се состои само од добивките од тековната година, туку многу поголемо учество имаат очекуваните добивки од сите наредни години кои претстојат, нивните компетитвни предности, лиценци, брендови, лојалност на потрошувачи и др.. Нашите очекувања се дека коронавирусот ќе биде феномен кој ќе биде разрешен во 2020 година, по што очекуваме повторно заживување на економијата, враќање на редовниот живот и натамошен раст на добивките на компаниите.

Можеме да заклучиме дека оваа година ќе биде критична за многу компании, но позитивната страна од вложување во големи мултинационални компании, со добри кредитни рејтинзи и долга историја на постоење е дека всушност од тие компании можеме најмногу да очекуваме дека ќе ја пребродат и оваа криза и на долг рок ќе испорачаат задоволителни резултати за инвеститорите.

Дополнително би сакале да посочиме на волатилноста на пазарите на капитал во вакви кризни периоди, тоа во главно се должи на присуство на многу емоции кај инвеститорите, поради што многу често грешат во вакви моменти во проценување на вистинската вредност на компаниите, која всушност нема толку волатилен карактер како самите цени на пазарот. Големите дневни осцилации во позитивна и негативна насока се очекувани и неминовни во вакви ситуации поради што ние на инвеститорите можеме да им препорачаме во овој период износот кој планираат да го инвестираат да го поделат на неколку дела и да го инвестираат во неколку наврати во овој период, наместо да го инвестираат целиот износ одеднаш, со цел да ги упросечат цените по кои ги купуваат уделите во фондовите.

Ги советуваме нашите веќе постоечки инвеститори да продолжат со редовно уплаќање во плановите и во овие моменти да се потсетат на долгорочната цел за која почнале да инвестираат и при носење на своите инвестициски одлуки да го имаат во предвид фактот дека инвестирањето во компании се препорачува да биде на долг рок.

Ги покануваме сите заинтересирани нови потенцијални инвеститори, кои имаат можност и желба да почнат да инвестираат на овој пад на берзите и да очекуваат задоволителни приноси на долг рок да не контактираат со цел да закажат онлајн состанок со наше стручно лице за подетална презентација на фондовите под управување на ВФП Фонд Менаџмент.

*Минимална уплата во фондовите изнесува 1,000 мкд.

Ве молиме оставете ги Вашите контакт информации во формата подоле:

Отворените инвестициски фондови се можеби најлесниот и најмалку стресниот начин да се инвестира на пазарот.
Фондовите како концепт влечат корени уште од 19-от век, но во нивната современа форма прв пат се појавуваат во почетокот на 20-от век во САД.
Долгиот период на постоење на ваквиот вид на фондови е доказ за нивната моќ и за нивната способност да го зголемуваат богатството на своите инвеститори.
Во Македонија се појавуваат еден век подоцна, т.е. во почетоците на 21-от век. Овие фондови во изминатите неколку години се повеќе популарни отколку во било кое време во историјата.

Што всушност е отворен фонд?

Едноставно кажано, отворен фонд е збир на пари обезбедени од индивидуални инвеститори, компании и други организации.
Со фондот управува друштво за управување со отворени инвестициски фондови. Овие друштва се надгледувани од државно регулаторно тело (КХВ), на сличен начин на кој Народната Банка на Република Македонија ги надгледува банките во Македонија.

Во друштвата се вработени аналитичари и овластени инвестициски советници.
Секое друштво може да раководи со повеќе фондови (базени со пари).
За секој од овие фондови е одговорен професионален фонд менаџер кој е ангажиран да ги инвестира парите што инвеститорите ги уплатиле во фондот.  Каде ќе ги инвестира тие пари менаџерот зависи од видот на фондот.

Каде одат парите на инвеститорите?

Откако ќе се собере одредена сума на пари, фондовите со тие пари почнуваат да купуваат најразлични инструменти. Видот на инструментите зависи од карактеристиката и целта на фондот.
На тој начин фондови кои имаат за цел брз раст, но се одликуваат со повисока нестабилност, се составени од акции од брзорастечки  компании како инструмент. Такви би биле компании како Apple, Amazon, Netflix, Google, Facebook итн.
Од друга страна пак постојат и фондови кои што обезбедуваат постабилен принос, со низок ризик, и кои инвестираат во депозити на одредени банки или пак државни обврзници од различни држави.

Што е удел?

Клучен елемент кај отворените инвестициски фондови е уделот. Удел кај инвестициските фондови е исто како и акциите кај компаниите. Цената на уделот зависи од цената на инструментите во кои инвестирал фондот, и е предмет на постојано менување. Така на пример, доколку фондот инвестира во акции од компании од САД, секоја промена на цените на акциите води кон промена и на цената на уделот.
Според сумата која што инвеститор ќе ја уплати во фондот и вредноста на уделот во тој определен момент, зависи бројот на удели кои што тој ги добива.

Да претпоставиме дека Мартин инвестира 50.000 денари во фонд кој инвестира во акции на компании од САД, а цената на уделот во тој момент е 100 денари. Со тоа Мартин станува сопственик на 500 удели во фондот. Со секој удел тој е индиректен сопственик во секоја од компаниите во која што инвестирал менаџерот на фондот .
После 2 години цената на уделот пораснала на 111 денари.
Мартин може да се одлучи да ги продаде своите удели и да добие 55.500 денари или да ги остави своите удели да растат и понатаму.

Која е крајната цел на инвестициските фондови?

Една од главните предности кои што се карактеристични за овие фондови е можноста за распределување на парите на инвеститорите во многу инструменти наеднаш со што се намалува вкупниот ризик.
Сите знаеме дека не сите акции, депозити, обврзници постојано растат во нивната вредност. Додека на некои им расте вредноста, на останати може да им опаѓа.
Истото се случува и кај акциите во кои што менаџерот на фондот инвестирал. Добивката од едните се компензира со загубата на другите.
Тоа е нешто што ретко кој поединец може да си го дозволи доколку проба сам да го направи.

Но, најбитното нешто да се запамти, за кое што како доказ може да ни послужи целата историја на светските берзи,  е тоа што на долг рок секогаш добивките преовладуваат во однос на загубите.

За повеќе информации околу инвестициските фондови и нивните предности јавете се на бројот 023 100 535 или оставете ги Вашите контакт информации со цел да Ве побараме ние.

Откако ќе донесете одлука да инвестирате за остварување на Вашите соништа и цели во животот, следната одлука која треба да ја донесете е каде и зошто таму да ги инвестирате Вашите средства. Во овој пост ќе дознаете зошто Вашите средства е најдобро да ги инвестирате во инвестициски фондови..

 

1. Автоматска диверзификација

Првата придобивка од инвестициските фондови е неверојатната диверзификација што тие ја нудат, односно инвестирањето во различни инструменти, валути, сектори и држави.
Диверзификацијата помага во избегнување на катастрофални загуби и ги штити портфолијата за време на економските превирања со распределување на вкупните инвестиции во повеќе различни видови средства, во различни индустрии и во различни држави. На пример, поради малиот обем на средства кои една индивидуа е спремна да ги инвестира, таа индивидуа најчесто не може да си дозволи самата да има инструменти од повеќе држави, па така сите средства би ѝ биле изложени во компании од само една или две држави. Ризикот од поголема политичка нестабилност или економска криза во некоја од овие 2 држави би имал многу поголем ефект врз Вашата инвестиција, отколку кога средствата би биле инвестирани во 10 или 15 држави. Една стара поговорка вели: „Не ги чувајте сите јајца во една кошничка, бидејќи може да ви падне и сите јајца да ви се скршат.“

Со цел да се постигне оптимално диверзификувано портфолио, потребно е да се инвестира во широк спектар различни хартии од вредност од различни сектори. Доволно диверзификувано портфолио бара обемен истражувачки и инвестициски капитал.

Преку инвестирање во инвестицискиот фонд Вие со мала уплата всушност постигнувате високо диверзификувано портфолио какво што имаат и најбогатите луѓе во светот. Инвестицискиот фонд, преку здружување на средствата на сите инвеститори во тој фонд, искористувајќи ја експертизата на портфолио-менаџерот и на преостанатите вработени во друштвото што управува со тој фонд, успева да постигне диверзификувано портфолио по различни држави и сектори, а притоа бенефитите од диверзификацијата ги добива секој инвеститор во фондот.

2. Персонализирана услуга

Покрај диверзификацијата, најголемата предност на инвестициски фондови е што постојат различни видови. Во зависност од Вашата толеранција кон ризик и желбата за принос, можете да направите комбинација од различни инвестициски фондови и да го достигнете сопствениот карактеристичен оптимум. На следниот линк со одговарање на неколку прашања ќе добиете предлог како да ги распределите Вашите средства во фондовите под наше управување.

Кликнете и дознајте каков инвеститор сте Вие.

3. Пристап до средства со висока вредност

Инвестициските фондови ги здружуваат инвестициите на многу инвеститори, за да можат да инвестираат во акции, обврзници и други хартии од вредност кои можат да бидат надвор од имотниот стандард на еден клиент, ако тој инвестира во нив индивидуално. Инвестициските фондови Ви овозможуваат да го искористите растот и исплатата на дивиденди од големи компании, како што се компанијата Coca Cola и BMW, без да се бара масовно количество капитал за купување акција од конкретна компанија.

4. Достапност и ликвидност

Средствата во инвестициските фондови се ликвидни, односно Фондовите имаат законска обврска во рок од 7 дена од поднесување на барањето за откуп да Ви ги исплатат средствата по вредност од денот кога е поднесено Барањето за откуп.

Дополнително, инвеститорите во секој момент имаат можност да ја проверат состојбата на своите средства на својот личен профил.

5. Професионален менаџмент.

Инвестициските фондови ги менаџираат професионалци чиe цело образование и цела кариера е насочена кон остварување профит за сопствениците на удели.

6. Принос без напор.

Најголем бенефит од професионалниот портфолио менаџмент е остварување на принос без Ваш дополнителен напор. Откако ќе ја направите инвестицијата во инвестициски фонд, Вие може мирно да следите како Вашите средства се оплодуваат, знаејќи дека портфолио-менаџерите на фондовите работат кон тоа Вашите инвестиции да бидат профитабилни. Во спротивно, барањето на најдобра инвестиција самите, би Ви одземало многу од Вашето слободно време и ресурси.

Инвестирање на дел од приходите треба да биде приоритет во животот на секој човек без разлика во која деценија од животот се наоѓа.

Без оглед на Вашата возраст, како на секој човек и на Вам Ви е потребно да имате одреден план на инвестирање со цел да ги остварите Вашите поголеми соништа: да можете да купите Ваш дом, да му овозможите квалитетно образование на Вашето дете, да можете да се пензионирате пред време или пак да си дозволите луксузен одмор. Токму во овој пост, можете да дознаете 6 Битни совети за инвестирањето кои малкумина ги знаат…

1. Започнете да инвестирате редовно

Клучен дел од инвестирањето е да го сфатите како редовна навика. Дали некогаш сте го слушнале советот: „Платете се прво себе си.“?

Овој многу познат совет во светот на финансиите значи дека пред да почнете да плаќате за трошоците како струја, вода, храна, облека, треба одреден дел од Вашите приходи да ги одвоите за Вашата иднина, соништа и сигурност. Тоа најдобро би го направиле доколку одреден дел од Вашите пари би ги намениле кон соодветна инвестиција. Вие самите одлучувате колку секој месец ќе одвојувате за инвестирање, но тоа направете го однапред.

2. Нe трошeте повеќе од тоа што го заработувате.

Инвестирањето Ви дозволува да заработувате од Вашите пари, додека позајмувањето само Ви ги зголемува трошоците. Секогаш трошете помалку од тоа што заработувате, во спротивно целиот Ваш живот ќе зависите исклучиво од платата која ја заработувате.

3. Исполнете го животот со убави спомени и незаборавни моменти.

Успевање на Вашето дете преку квалитетно образование на некој од најреномираните факултети во светот, реновирање на Вашиот дом, купување на куќа, стан, одење на луксузен одмор или дозволување на полуксузен аксесоар се работи кои животот го прават поубав и го исполнуваат со убави спомени. Но, сите овие работи во главно чинат многу повеќе од тоа што просечен човек може да си го дозволи со месечната плата. Токму затоа, треба да почнете веднаш да инвестирате. Сите овие убави работи Вие ги заслужувате! Не дозволувајте обичните секојдневни сатисфакции да Ве спречат да одвојувате дел од Вашите пари за инвестирање и да Ви оневозможат да ги искусите најубавите работи кои животот ги нуди, а се поскапи. Во овој контекст ќе ја споменеме поговорката: „Направи го денес тоа што сите можат да го направат, за да можеш утре да го направиш тоа што малкумина можат.“

4. Секогаш мора да имате средства наменети за „црни денови“.

Немојте да си дозволите, во целост да зависите од работата која ја работите. Одреден сплет на околности може да Ве доведе до ситуација да Ви се потребни повеќе средства. Генералното правило е дека секогаш треба да имате акумулирано минимум 3 месечни плати во ликвидни средства, како вид на заштита од несакани настани.

5. Поставете си Ваши цели за инвестирање.

Успешните инвеститори си поставуваат цели за кои ќе инвестираат и прават прецизен план за секоја цел колку ќе инвестираат месечно, а потоа инвестираат по тој план без отстапки. Бидете и Вие успешен инвеститор, направете го истото. Пример: сакате да си дозволите егзотично патување, пресметајте ги сите трошоци кои би биле поврзани со тоа патување, потоа одредете кога сакате да одите на тоа патување, колку време би требало да штедите и колкав износ месечно за да ги соберете потребните пари.

6. Правило на палецот: минимум 20% од Вашите приходи наменете ги за штедење и инвестирање.

Но, наш совет е да почнете поскромно, односно почнете да одвојувате 10% од Вашата плата за штедење и инвестирање. Пример, доколку заработувате 25.000 денари, веднаш по приливот, 2.500 денари инвестирајте ги, а 22.500 денари, определете ги за трошење. Одвојување на 2.500 денари месечно, би значело да одвојувате дневно само 82 денари за Вашата иднина, сигурност или соништа.