Автор: Mario Gjorgjiev

 

Честопати како штедачи сме соочени со дилемата: Колкав дел од моите заштеди да ги чувам на трансакциска сметка или пак во готовина, а колкав дел да ги орочам?

Оваа одлука е многу тешка и бара посветување на одредено време и ресурси за да се донесе вистинската одлука.
Причината е поради тоа што при донесувањето на одлуката треба да се земат неколку работи во предвид:

• Иако готовината и средствата на трансакциската сметка се високоликвидни, тие или не носат никаков принос, или пак тој е минимален.
• Како што знаеме, инфлацијата претставува порастот на цените на добрата и услугите во целокупната економија. Со растот на цените на суровините, растат и цените на готовите производи, а и платите за вработените.
  Ефектот на инфлацијата секоја година влијае на парите кои ги чувате во готовина и им ја намалува нивната вредност.
• Откако ќе одлучите колкав дел од Вашите приходи ќе ги заштедите, а колкав дел ќе ги чувате како ликвидни средства, следен чекор е да најдете погодно место за штедење.
  Различни банки нудат различни каматни стапки, при различни периоди на вложување и при различни услови.
• Во одредени моменти од Вашиот живот, потребно Ви е поголемо ниво на готовина од таа што ја имате, и ќе се јави потреба од повлекување на средства кои се веќе орочени.
  Најчесто при ваквите повлекувања, се губи остварената камата или пак се плаќаат казнени пенали.

За среќа, постои и друга алтернатива на класичниот пристап на штедење.
Во 70-тите години од минатиот век, во САД биле оформени првите отворени инвестициски фондови кои вложувале во краткорочни државни записи и обврзници.
Тие се појавиле како одговор на тогашната забрана за исплата на камата на депозити по видување, и служеле како супститут на трансакциските сметки.

Набрзо по нивното создавање, тие се здобиле со популарност како лесна алтернатива за инвеститорите да купат различни безбедни инструменти одеднаш, кои истовремено нуделе повисоки приноси од тие во стандардните трансакциски сметки. Голем дел од инвеститорите ги користат кеш фондовите за менаџирање на нивната готовина и останатите потреби кои може да настанат во краткиот рок.

Во изминатава декада, ваков вид на фондови се појавија и во Македонија.
Така, ВФП Кеш Депозит е отворен инвестициски фонд кој главно ги пласира средствата на своите инвеститори во депозити на македонските банки и во македонски обврзници.
Со инвестирање на Вашите средства во овој фонд, Вие го избегнувате горенаведениот процес на селектирање на најпогодно место за штедење, а наместо тоа инвестирате во диверзифицирано портфолио на релативно сигурни финансиски инструменти.

Вашите средства ќе се реинвестираат автоматски, ќе бидат постојано ликвидни, и ќе можете да си ги следите преку нашата веб апликација.

Доколку не сакате своите средства да ги изложите на висок ризик или ценовни осцилации, тогаш кеш фондовите се одлична алтернатива.
Сепак, најголемата придобивка од овие фондови е тоа што ќе остварувате атрактивен принос, а нема да плаќате влезни или излезни провизии за вадење или повторно вложување на Вашите средства.

Најдобар начин да се искористи ефектот и придобивките од овие парични фондови е преку траен налог, при што дел од Вашиот приход може секој месец директно да си се инвестира во кеш фондот. На тој начин  ќе имате 3 главни придобивки:

• ќе може да акумулирате одредена заштеда,
• средствата ќе Ви бидат достапни без никакви влезни или излезни провизии,
• истовремено ќе заработувате атрактивна стапка на принос

За повеќе информации околу ВФП Кеш Депозит фондот, уплатите преку траен налог и нивните предности јавете се на бројот 023 100 535 или оставете ги Вашите контакт информации со цел да Ве побараме ние.

При секојдневното следење на вестите од Светот, постојано слушаме за големи, мултинационални компании чиишто приходи и профити се изразуваат во милијарди евра.
Сигурно во некој момент сте се запрашале себеси: Како можам и јас да учествувам во добивките на тие корпорации кои го движат светскиот раст?

Секако, за инвестирање на странските финансиски пазари секој заинтересиран инвеститор треба своите инвестициски одлуки да ги темели на анализи на фактори кои може да имаат влијание на тие одлуки. Такви се фазата и растот на економијата, нивото на каматните стапни, нивото на инфлација, очекувањата на останатите инвеститори итн.
Тие треба да бидат добро информирани за потенцијалните ефекти од нивните одлуки, односно очекуваниот принос и ризик, како и даночните обврски.

Со оглед на тоа што информирањето околу горенаведените фактори подразбира посветеност, време, ресурси како и високо ниво на знаење,  дали постои друг начин да се стане акционер во овие светски компании?

ВФП Премиум Инвест фондот ги вложува средствата на инвеститорите во висококвалитетни компании чиишто производи ги купуваме и користиме секојдневно.

Преку купување на удел во фондот, Вие можете да станете индиректен акционер во Nestlѐ, J&J, Procter & Gamble, Coca Cola, Heineken, Nike, l’oreal, Phillip Morris, Unilever, Beiersdorf и многу други светски компании.

Факт е дека секојдневно купуваме производи од овие компании, кои под себе имаат стотици светски познати брендови. Како пример ќе ги наведеме производите кои ги купуваме од Nestlѐ – најголемата светска компанија за производство на храна и пијалоци: Nescafé (кафе), Cheerios (корнфлекс), Kit Kat (чоколадо), Tooty Frooties (бомбони), Δέλτα (сладолед), Friskies (храна за миленици), Thommy  (мајонез), Maggy (готови супи) и уште многу производи.

Нашата потрошувачка на овие производи се преведува во приходи и профити на Nestlé. Истото важи и за Coca Cola, Nike, Heineken и сите останати мултинационални компании. Иако од време на време профитите а со тоа и вредноста на акциите на овие компании ќе варира, сепак на долг рок луѓето ќе продолжат да ги купуваат нивните производи, со тоа да им ги зголемуваат приходите, профитите и цените на акциите.

Па се поставува прашањето: Зошто да учествувате само во потрошувачката на овие производи, кога можете индиректно да станете дел од илјадниците сопственици на овие мултинационални корпорации, и да заработувате пари од растот на нивните акции или пак од исплатите на дивиденда?

 

За повеќе информации околу инвестициските фондови и нивните предности јавете се на бројот 023 100 535 или оставете ги Вашите контакт информации со цел да Ве побараме ние.

Каматните стапки на вкупните депозити во последниве неколку години во Македонија бележат тренд на намалување, според податоците на НБРМ. Но, и покрај овој факт нивото на депозити  на домаќинствата во домашните банки е во постојан пораст.

Многумина велат дека овој раст произлегува од веќе стекнатата навика на луѓето за штедење, нивната неподготвеноста за други форми на инвестирање, како и ограничениот број на инвестициски можности во Македонија. Но, дали е тоа навистина така?

Факт е дека на пример, за да започнете да инвестирате на Македонската Берза потребно Ви е одредено  познавање на начинот на функционирање на финансиските пазари. Или можете да започнете да инвестирате во недвижнини, но секако за ова се потребни релативно поголеми суми на пари. Имајќи го ова во предвид, што може да направите во однос на инвестирање со вашите заработени пари?

Во минатата декада во Македонија е забележана појава на нови финансиски институции кои значително го олеснуваат инвестирањето. Иако како концепт влечат корени од 19-тиот век, во својата современа форма инвестициските фондови прв пат се појавуваат во почетокот на 20-тиот век во САД. Долгиот период на постоење на овие фондови е доказ за нивниот потенцијал да го зголемуваат богатството на своите инвеститори.

ВФП Фонд Менаџмент е друштво за управување со инвестициски фондови. Во своето портфолио друштвото управува со 3 различни фондови, кои се разликуваат според инструментите во кои вложуваат. Така, ВФП Премиум Инвест фондот инвестира доминантно во акции на висококвалитетни интернационални корпорации, ВФП 100% Бонд инвестира доминантно во обврзници и ВФП Кеш Депозит инвестира доминантно во депозити од домашните банки. Секој од овие фондови носи различен очекуван принос кој меѓу другото зависи и од ризикот на самиот фонд.

Друштвото заклучно со 10.01.2019 година управува со над 24 милиони евра во овие 3 фондови, додека пак ВФП Премиум Инвест фондот е најголемиот акциски фонд во Македонија со над 12 милиони евра инвестирани од страна на 2.062 клиенти.

Во Македонија има многу голем простор за подобрување на потрошувачките навики на луѓето.
Наша желба во оваа 2019-та година е да поттикнеме промена во начинот на размислување на луѓето околу нивната финансиска дисциплина, финансиски навики и планирање на нивниот буџет.

За таа цел нудиме бесплатна консултација од нашите агенти, кои ќе Ви одговорат на секое Ваше прашање и ќе Ви објаснат како преку програмираните уплати може значително да си ги зголемите Вашите заштеди со минимален труд.

За повеќе информации околу инвестициските фондови и нивните предности јавете се на бројот
02 3 100 535 или контактирајте не на contact@wvpfondovi.mk

Ајви Ли бил познат американски експерт за публицитет и основач на модерната теорија за односи со јавност. Дел од неговите достигнувања се поврзуваат со градењето на јавниот имиџ на едно од најбогатите американски семејства Рокефелер и нивната компанија Стандард Оил.

Во 1918 година, Ли бил повикан да помогне во подобрување на ефикасноста на тимот на еден од најбогатите луѓе во тоа време,Чарлс Шваб.

На Ајви Ли, како еден од најпочитуваните консултанти за продуктивност, му биле потребни само 15 минути со секој член од тимот за да им ја објасни неговата дневна рутина за постигнување на врвна продуктивност:

1. На крајот на секој ден, запишете си максимум 6 најбитни задачи кои треба да ги сработите следниот ден.
2. Дадете им приоритет на секоја од овие задачи, според степенот на нивната важност
3. На почетокот на следниот ден фокусирајте се само на завршување на задачата со најголем приоритет. Не преминувајте на следната задача, пред да ја завршите таа пред неа.
4. Завршувајте ги останатите задачи на истиот начин. На крајот на денот, оние задачи кои што Ви останале недовршени, префрлете ги во листата која ќе ја спремате за наредниот ден.
5. Повторувајте ја оваа постапка секој ден

Неколку месеци подоцна, Чарлс Шваб му испратил чек на Ајви Ли од денешни 400.000 долари, како благодарност за споделувањето на оваа метода, која му помогнала во зголемувањето на ефикасноста на неговиот тим.

Навидум овој метод изгледа доста едноставен, и можеби се прашувате како нешто волку просто може да биде толку ефективно.
Па, што го прави да биде толку ефективно?

Едноставностa води кон негова ефективност. Примарната критика на методите како оваа е дека тие се премногу прости. Тие не ги земаат предвид сите комплексности на секојдневниот живот. Што се случува ако се појави итен случај на кој мора да работите? Дали можеме да ја користиме најновата технологија во наша корист кога работите стануваат посложени?
Генерално, сложеноста ја намалува ефективноста. Доколку работиме на една задача и пробаме да се префрлиме на некоја друга задача, ќе забележиме дека ќе биде многу потешко подоцна да се вратиме на првобитната задача.
Затоа правило е секогаш да се игнорираат останатите активности, се додека не се заврши примарната задача, и секогаш да се држиме на листата со приоритетни задачи

Методата тера да донесувате тешки одлуки. Тие шест задачи дневно ни овозможуваат да поставиме одредени лични лимити. Доколку имате премногу идеи (или сте преокупирани од сите задачи што треба да ги завршите) најдобро е да ги отфрлите сè што не е апсолутно неопходно. Ограничувањата можат да Ви помогнат во фокусот. Факт е дека ако не се фокусирате на една задача, ќе бидете дистрактирани од сите останати.

Ја намалува тешкотијата од превземањето на првиот чекор. Најголемата пречка во завршувањето на повеќето задачи е нивното отпочнување. Станувањето  од каучот може да биде тешко, но откако ќе започнете со работа, многу ќе биде полесно да ја завршите. Методот на Ли ве  тера да ја одберете првата задача во денот уште ноќта пред да одите на работа. Оваа стратегија е неверојатно корисна бидејќи следниот ден веднаш ќе знаете што точно треба да правите и каде да започнете.

Методата бара од Вас работа на една задача наместо мултитаскинг. Митот за мултитаскинг во современото општество се сведува на тоа дека ако работите на повеќе работи одеднаш, Вие сте поуспешни. Но, токму спротивното е точно. Имајќи помалку приоритети води до подобра и поквалитетна работа.
Доколку ги проучуваме сите спортисти, уметници, научници, професори, извршни директори итн. ќе откриеме една карактеристика кај сите нив: фокус на една задача. Причината е едноставна. Вие не може да бидете одлични во одредена задача ако постојано го делите Вашето време и концентрација на десет различни страни. Квалитетот и успехот си бараат фокус и конзистентност.

Заклучок? Секој ден најпрво направете го она што Ви е со најголем приоритет. Тоа е единствениот трик за продуктивност што Ви е потребен.

Една од најчестите причини за купување удели во инвестициските фондови, од страна на физичките лица, е тоа што овој начин на инвестирање му нуди на инвеститорот можност за остварување на пасивен приход.

Што е пасивен приход?

Приходот кој го заработувате од различни извори каде што не вложувате директно време и труд. Пасивниот приход може да биде во вид на рента од изнајмен простор, камата од депозит, но и добивка од растот на уделите на инвестициските фондови.
Во случајот со инвестициските фондови, Вашиот труд се сведува на инвестирање на вишокот на Вашите средства во фонд, или комбинација од различни фондови, согласно Вашата толеранција на ризик.

Генерално, луѓето многу тешко донесуваат одлука да штедат или да инвестираат. Во голем дел од случаите луѓето се свесни дека е потребно да почнат да издвојуваат средства за штедење. Проблемот произлегува од тоа што тие си велат себеси дека ќе го заштедат или инвестираат тоа што ќе им остане на крајот на месецот.  Но најчесто, како резултат на лошо планирање на буџетот, на крајот на месецот не им останува сума доволна за инвестирање или штедење.

Програмираните уплати преку траен налог го упростуваат овој процес преку директно повлекување на фиксна сума од Вашата трансакциска на почетокот на секој месец и нејзино инвестирање во фондот од Ваш избор. Дополнително го олеснуваат процесот, бидејќи Вие нема да имате потреба да се појавувате и лично да ги депонирате парите, а ќе бидете секогаш во можност да си ја следите Вашата состојба преку Вашиот личен онлајн профил.

Програмираните уплати носат со себе и еден позитивен ефект кој е доста популарен во светот на финансиите. Cost average ефектот, односно ефектот на упросечување на трошоците е една од најголемите предности на програмираните уплати.

Што е основата на cost average ефектот?

Основата на овој ефект е редовно инвестирање на сума на пари, во некое средство (на пример акција или обврзница), без разлика на цената на тоа средство во моментот на купување. Во реалниот свет, тоа тешко се остварува. Затоа пак, инвестициските фондови преку програмираните уплати Ви овозможуваат со Ваш минимален труд да го постигнете токму ова.

Како што знаеме цените на акциите, а и цените на уделите на инвестициските фондови се варијабилни и секој ден имаат различна вредност.

Во основа е многу тешко да се погоди моментот кога точно да се инвестира, односно дали цената на уделот се наоѓа на нејзиниот врв, нејзиното дно или пак негде во средина. За да го намалите ризикот од купување удели во фонд во нивниот врв, се користи cost average ефектот, кој се постигнува преку програмираните уплати.

Наместо да уплатите голема сума одеднаш и со тоа да ризикувате инвестирање во погрешниот момент, програмираните уплати Ви овозможуваат да го намалите ризикот преку купување на удели при различни цени на почетокот на секој месец.
Така ако секој месец инвестирате иста сума на пари, во месеците кога цената на уделот е ниска Вие автоматски купувате повеќе удели, а во месеците кога цената на уделот е висока со истата сума на пари ефективно купувате помалку удели. На крајот на годината Вие всушност плаќате просечна цена од сите месечни уплати. Со тоа го избегнувате ризикот од инвестирање цела сума на пари одеднаш, во период кога цените се во нивните врвови.

За повеќе информации околу програмираните уплати и нивните предности јавете се на бројот 02 3 100 535 или оставете ги Вашите контакт информации со цел да Ве побараме ние.

Ако анализираме кои се главните фактори кои им овозможиле на богатите луѓе да се стекнат со толкаво богатство, ќе забележиме нешто заедничко кај сите нив – употребата на најважниот ефект во светот на финансиите – вкаматување

За да го разбереме вкаматувањето, најпрвин треба да погледнеме што точно значи проста камата. Проста камата едноставно претставува сумата која сме ја заработиле на оригиналната инвестиција/ влог/ депозит после одреден период .

Да речеме дека сте вложиле 100.000 денари, со 5% проста камата, за период од 3 години.
Каматата која што ќе ја заработувате на крајот на секоја година ќе биде:
5% х 100.000 денари  = 5.000 денари, односно 15.000 денари на крајот на третата година.

Сега замислете дека истата таа сума од 100.000 денари сте ја вложиле, но на крајот на секоја година вашите камати/ добивки се реинвестираат.
Добивката што ќе ја остварите во првата година ќе биде иста како и каматата добиена од вложувањето пари во банка.

Разликата почнува да се приметува на крајот на втората година и третата година.
Да ги споредиме сумите на крајот на третата година:

• Влогот проста камата ќе ни изнесува 115.000 денари
• Влогот со реинвестирање на добивката ќе ни изнесува 115.762,5 денари

Тоа значи дека преку реинвестирање ние добиваме добивка која е за 762,5 денари поголема од влогот со проста камата.

Иако оваа сума во конкретниот пример изгледа мала, кога ќе се примени истиов овој ефект на поголеми суми и на поголем период на инвестирање, ефектот станува далеку поголем и повидлив. Причината за тоа е што заработената камата во иднина станува се поголема.

Така, да сме ја оставеле истава оваа сума од 100.000 денари да се реинвестира во период од 20 години, на крајот на дваесетата година ќе сме имале 265.329 денари, односно заработена камата од 165.329 денари, наспроти 100.000 денари заработена камата доколку не сме ја реинвестирале.

Поедноставен начин на гледање на вкаматувањето е преку ефектот на снежна топка.
Доколку направиме едно мало топче од снег и го пуштиме по падина, ќе забележиме дека на почетокот се зголемува, но не толку бргу како што би очекувале. Но, со тек на време тоа станува се поголемо и поголемо бидејќи опфаќа и собира се поголема количина на снег.
Затоа на почетокот придобивките од вкаматувањето се мали, но на долг рок можат да станат доста големи.

Поентата на оваа статија е дека и да вложите мала сума на пари, со тек на време и со користење на ефектот на вкаматување, таа сума може да стане доста голема, и да ви послужи за различни работи, како на пример обезбедување квалитетно образование на вашето дете, купување на недвижен имот, или пак едноставно собирање на сума која ќе ви користи во подоцнежните години

Инвестициските фондови се добар и лесен начин за искористување на овој ефект. Секоја заработена добивка во фондовите се реинвестира, и тоа овозможува постојан раст на уделот.
За да дознаете како функционираат фондовите и нивните удели кликнете тука

За повеќе информации околу инвестициските фондови и нивните предности јавете се на бројот 02 3 100 535 или оставете ги Вашите контакт информации со цел да Ве побараме ние.

Во нашите минати статии зборувавме за тоа што се отворените инвестициски фондови, како можете да заработите пари од нив, како и кои се разликите и сличностите помеѓу овие фондови и традиционалните компании.

Овој пат навлегуваме уште подлабоко во основите на фондовите – самите средства во кои инвестираат портфолио менаџерите.
Како што веќе спомнавме има неколку видови на фондови меѓу кои акциски (доминантно вложуваат во акции), обврзнички (доминантно вложуваат во обврзници) и кеш фондови (инвестираат доминантно во депозитите на банките).
Со оглед на тоа што познато ни е тоа што претставуваат депозитите и начинот на нивното функционирање, ние денес ќе зборуваме за акциите и обврзниците.

Иако и на двата инструмента главната функција им е да обезбедат пари за компанијата, кои ќе ги искористи во своето секојдневно функционирање, овие финансиски инструменти се разликуваат меѓусебно во повеќе погледи.

Инвестирање во акции/ акциски фондови

Кога купувате акции, купувате удел во компанијата. Предноста на тоа да сте сопственик на акции е дека секогаш кога компанијата остварува добивка, остварувате и вие.
Еве неколку карактеристики на акциите:

• Генерално тие се издаваат од страна на компанијата и постојат се додека постои компанијата. Компанијата може да издава акции во повеќе наврати
• Се користат за да може компанијата да собере пари
• Немаат времетраење
• Компанијата може, но и не мора да исплаќа дивиденда на сопствениците на акциите
• Цените на акциите, кои зависат од квалитет на работењето на компанијата, повеќе варираат, а со тоа акциите се и поризични инструменти од обврзниците и депозитите

На долг рок како што се развива компанијата и растат нејзините профити, расте и цената на нејзините акции. Така доколку погледнеме низ историјата ќе забележиме дека сите големи компании како Apple, Microsoft, Amazon, Nestle итн. имаат периоди на пад и на раст на акцијата, но генерално, на долг рок, нивната цена расте.

Типично, инвеститорите купуваат акции и ги држат долго време. Честопати, портфолио менаџерите (луѓето кои управуваат со самите акции) ја распределуваат сумата за инвестирање, така што продаваат некои акции за кои сметаат дека ќе им опаѓа вредноста и купуваат акции за кои сметаат дека се ефтини во моментот, дека ќе растат и дека ќе исплаќаат дивиденда.

Како инвеститор, најпаметна одлука е да се инвестира во повеќе акции, односно да се направи диверзифицикација. Тоа значи да се инвестира во различните типови на акции (акции со потенцијал за раст, акции на компании кои имаат веќе постигнато висока вредност на пазарот и носат стабилен раст, акции кои даваат дивиденди, акции од меѓународни компании и слично)

Но, најчесто обичниот човек не може да го направи тоа самостојно, бидејќи е потребна голема количина на пари. Од друга страна акциските инвестициски фондови ги собираат парите на повеќе инвеститори на еден куп, и ги инвестираат во различни типови на акции.

Акциските инвестициски фондови се совршено место за инвестирање за:

• инвеститори со стабилни приходи,
• инвеститори што имаат инвестициски период над 10 години,
• помлади луѓе,
• инвеститори што се спремни да преземат средно до повисоко ниво на ризик

Инвестирање во обврзници

За да соберат пари, владите, владините агенции, општините и компаниите можат да продаваат обврзници. Кога ќе купите обврзница, во суштина вие денес позајмувате пари на државите или компаниите на кои им се потребни, а на определен иден датум ја добивате сумата која сте ја инвестирале и одредено ниво на камата.

Обврзниците може да се гледаат како еден вид на депозит, каде што давате една фиксна сума, во наредните години добивате камата и на крајот на одреден период ја добивате сумата која сте ја вложиле.

Вообичаени карактеристики на обврзниците:

• Служат како еден вид на кредит за компанијата или државата
• Нудат стабилност на исплата на камата
• Исто како и кај акциите, и обврзниците имаат цена по која се тргуваат на пазарот. Нивната цена зависи од каматата која што ја носат, сигурноста на обврзницата, временскиот период, како и од моменталните пазарни каматни стапки
• Обврзниците се посигурни инвестиции отколку акциите.

Иако некои издавачи на обврзници се посигурни од другите, обврзниците генерално нудат стабилност и предвидливост, нешто што е потешко да се најде кај акциите.

Но тие во себе носат и ризик од неисплаќање на идните обврски. Затоа обврзничките инвестициски фондови инвестираат во различни обврзници за да го намалат овој ризик.
Приносот на овие фондови е релативно стабилен. Може да проверите тука.

Обврзничките фондови се оптимални за:

• инвеститорите што претпочитаат понизок ризик од акциските фондови
• за инвеститори што имаат период на инвестирање пократок од 10 години, а подолг од 1 година.
• за постари и поконзервативни инвеститори.

На крајот изборот што ќе го донесете зависи од вашите финансиски цели и вашата толеранција за ризик.

За да дознаете каков вид на инвеститор сте вие кликнете тука.

За повеќе информации околу инвестициските фондови и нивните предности јавете се на бројот 023 100 535 или оставете ги Вашите контакт информации со цел да Ве побараме ние.

Во еден од нашите претходни блогови ги објаснивме основните карактеристики на отворените инвестициски фондови и начинот на кој тие функционираат. Во денешниот блог ќе објасниме која е разликата помеѓу инвестирањето во отворените инвестиски фондови и инвестирањето во акции.
Иако на прв поглед ќе забележиме дека овие два инструменти имаат доста заеднички работи, сепак постои само еден краен победник во однос на инвестирањето.

Како функционираат компаниите, а како фондовите?

Како што знаеме, компаниите кои се формирани како акционерски друштва работат на начин што внесуваат готовина во компанијата во два вида. Првиот вид е преку кредити од банки, а вториот вид е преку издавање и продавање на акции.
Со таа готовина се купуваат машини, згради, опрема, и останати средства кои и се потребни на компанијата за да почне да ги произведува и продава своите производи или услуги.
Со продажбите следуваат приходите, профитот и растот на самата компанија.

Вообичаено, во првите години од своето функционирање, компанијата го реинвестира целиот профит. Тоа реинвестирање овозможува компанијата да расте. Со растот на компанијата расте и вредноста на нејзините акции. Акционерите можат во секој момент да ги продадат нивните акции, но така се откажуваат од идниот пораст на вредноста на акциите.
Во одреден момент компанијата може да се реши да ја распределува добивката на сопствениците на акции во вид на дивиденда. Секој акционер добива онолку добивка, колку што е учеството на неговиот број на акции во вкупниот број на акции на компанијата.

Од друга страна пак, менаџерите на отворените инвестициски фондови внесуваат пари во фондовите само преку издавање на удели.
Со тие пари менаџерите наместо да купуваат машини, згради, опрема итн. купуваат акции во останати компании. Во зависност од фондот може наместо акции менаџерите да инвестираат во државни или корпоративни обрзници, во депозити или пак во сосема некој друг инструмент.

Дополнително, постојат поделби и внатре во инструментите. Така доколку од фондот се очекува повисок принос, но и повисок ризик, менаџерот ќе купува акции од оние компании кои се релативно млади, полни со иновации, и кои ги пратат трендовите.
Доколку од фондот се очекува понизок принос , но и понизок ризик, тој ќе инвестира во т.н. blue-chip компании (висококвалитетни компании), кои се карактеризираат со релативно висока, но и релативно стабилна добивка.

Секоја добивка од овие компании во кои инвестирал менаџерот на фондот, дали преку раст на вредноста на акцијата или пак преку дивиденда, се реинвестира, т.е. се купуваат нови акции.

На тој начин доаѓаме до една од главните предности на инвестициските фондови – реинвестирање на добивката на инвеститорите.
Во литературата и во финансиите овој ефект е познат како вкаматување (камата на камата) и е доста значаен поради неговото моќно дејство.

Доколку инвестираме мала сума на пари, и дозволиме добивките од инвестициите да се реинвестираат во текот на одреден  временски период, можеме да дојдеме до заштеда која што ќе биде значително повисока од оригиналната сума.

Втората предност на инвестирањето во инвестициските фондови се појавува во моментот кога компанијата во која што директно сме вложиле акции не ги остварува очекуваните резултати.
Доколку сме ја инвестирале целата сопствена заштеда во една компанија, ние сме целосно изложени на ризикот од пропаѓање на таа компанија.

Од друга страна, во инвестициските фондови, ако една од компаниите во која инвестирал менаџерот на фондот не ги остварува очекуваните резултати, секогаш ќе има некоја друга компанија која остварила добивка повисока од очекуваната. На тој начин, во фондот сме позаштитени од ризикот на поединечните компании.

За повеќе информации околу инвестициските фондови и нивните предности јавете се на бројот 023 100 535 или оставете ги Вашите контакт информации со цел да Ве побараме ние.