Одбор на директори:
Роден на 30.08.1954 година во Грац, Австрија, Руперт Стробл е магистер на Социјални и екoномски студии при Универзитетот во Грац. Својата кариера ја почнува како економист во Комората за вработување во Грац, за потоа да работи во осигурителната компанија Wiener Städtische AG.
Од 1986 година е вработен во WVP Versischerungsvermittlung GmbH Graz и од 1989 г. до денес ја извршува функцијата генерален директор на целата групација, WVP Versischerungsvermittlung GmbH.
MAG. Стробл има повеќе од 25 години искуство на инвестирање на светските берзи. Тој е задолжен за инвестициската политка на приватниот инвестициски фонд WVP Invest Vermögensverwaltung GmbH & Co.KEG, каде што од 1996 до 2014 година успешно управува со капитал од 25 милиони евра и остварува просечен годишен нето-принос од 7,5% за своите инвеститори. Овој успех е резултат на конзервативната стратегија на инвестирање – купување на “Blue Chips” – големи и сигурни компании по атрактивна цена кои и за време на економска рецесија прават добра добивка и им исплатуваат дивиденда на инвеститорите.
Неговото долгорочно и успешно искуство во инвестирање во хартии од вредност на светстките берзи ќе го искористеме за фондот ВФП Премиум инвест, каде што е и претседател на инвестицискиот одбор на ВФП Фонд менаџмент АД Скопје.
МAG. Руперт Стробл е претседател на одборот на директори на ВФП Осигурително брокерско друштво АД Скопје како и во одбор на директори на сите 17 компании ќерки на групацијата WVP GmbH Graz.
Роден на 29.07.1985 година. Дипломирал на факултетот за Електротехника и информациски технологии на Универзитетот „Св. Кирил и Методиј“, насока информатика и компјутерско инженерство. Поседува лиценца за осигурителен брокер издадена од Агенцијата за супервизија на осигурување. Посетувал многубројни специјализирани обуки и семинари во областа на менаџмент, осигурување, продажба, комуникациски вештини и реторика во Австрија, САД на Kellogg School of Management, Хрватска и Македонија. Учествувал во многубројни интерактивни настани за обука на соработниците на ВФП АД Скопје, при што има одржано стручни предавања на темите осигурување, продажба и комуникациски вештини.
Родена на 05.11.1993 година во Битола, Македонија, каде го завршува основното и средно образование со континуиран одличен успех.
По завршувањето на средно образование во 2012 година, се определува за Институтот по метематика при Природно- математички факултет, Универзитет ,,Св. Кирил и Методиј”, насока Теориска математика, како соодветен избор каде ќе може да го прошири и продлабочи своето знаење и интерес кон математиката. По две години, покажува особен интерес кон финансиската математика, статистички модели и веројатност, по што запишува дополнителна насока – математичка економија.
Како студент била директен учесник на неколку конференции од областа на осигурување и актуарство.Успешно дипломира во 2017 година, на тема ,, Искуствено утврдување на математичка резерва во неживотно осигурување со помош на Chain Ladder метод” со што се стекнува со звање Дипломиран мaтематичар и Дипломиран инженер по математичка економија.
Кон крајот на последната академска година, ја започнува својата пракса во Друштво за управување со отворени и затворени инвестициски фондови ВФП Фонд Менаџмент АД Скопје, каде по три месеци обавена пракса на 21.03.2017 станува дел од тимот на ВФП Фонд Менаџмент.
До момент на пишување, работи во ВФП Фонд Менаџмент на позицијата Портфолио менаџер за отворените инвестициски фондови, каде е задолжена за управување со портфолиото фондовите паралелно придржувајќи се до инвестицискиот профил, ризик и поставената структура на вложување на фондот, изготвување на стручни анализи за остварените и потенцијални приноси и ризици на пазарите на капитал и редовна комуникација со клиентите.
Во ноември 2018 успешно ја завршува едногодишната сертифицирана програма за управување со ризици при Академија за банкарство и информатички технологии во Скопје, завршен проект ,,Анализа на ризиците кои се појавуваат при управување со портфолио од хартии од вредност”, при по што се стекнува со титулата Certified Risk Manager (CRO).
На 27.12.2019 со решение број 09-1414/1 издадено од Комисија за хартии од вредност на Р.С. Македонија се стекнува со лиценца за инвестициски советник, по претходно положување на стручниот испит за инвестициско советување.
Поседува и светски реномираната лиценца за управување со ризици FRM – Financial Risk Manager, како дел од GARP (Global Association of Risk Professionals) институтот.
Постојано ги подобрува и проширува своите знаења и вештини преку присуство на бројни конференции од областа на управување со средства и управување со ризици.
Роден на 27.11.1973 година. Дипломирал на Економскиот факултет на Универзитетот „Св. Кирил и Методиј. Поседува лиценца за осигурителен брокер издадена од Агенцијата за супервизија на осигурување. Посетувал многубројни специјализирани обуки и семинари во областа на менаџмент, осигурување, продажба, комуникациски вештини и реторика во Австрија, САД, Хрватска и Македонија. Учествувал во многубројни интерактивни настани за обука на соработниците на ВФП АД Скопје, при што има одржано стручни предавања на темите осигурување, продажба и комуникациски вештини.
Родена на 03.04.1998 во Битола, Република Северна Македонија, каде го завршува основното и средното образование. По завршувањето на средното образование, своето образование го насочува кон областа на математиката, запишувајќи се на Природно-математичкиот факултет при Универзитетот „Св. Кирил и Методиј“ – Скопје, Институт за математика, насока Математичка економија.
Во текот на студирањето развива посебен интерес кон статистичките модели, финансиската анализа и примената на математичките методи во економијата. Успешно дипломира и се стекнува со звање Дипломиран математичар – инженер по математичка економија.
Во 2020 година се приклучува на тимот на ВФП Фонд Менаџмент АД Скопје како Финансиски аналитичар, каде е ангажирана на вреднување на инвестициски фондови, секојдневно управување со ликвидноста, подготовка на анализи на ризик и инвестициски препораки, како и изработка на извештаи за регулаторни институции.
Од 2022 година ја презема функцијата Раководител на организациска единица за тргување – Front Office во ВФП Фонд Менаџмент АД Скопје, каде е одговорна за управување со портфолија на инвестициски фондови согласно дефинираните инвестициски стратегии и регулаторни барања. Нејзините активности вклучуваат анализа на финансиските пазари, подготовка на препораки за стратешка алокација на средства, следење на перформансите, усогласеноста и ликвидноста на фондовите, како и управување со портфолија на индивидуални инвеститори.
Поседува лиценца за инвестициски советник издадена од Комисијата за хартии од вредност на Република Северна Македонија, како и положено Ниво 1 од CFA програмата, со што дополнително ги надградува своите знаења од областа на управување со средства и анализа на финансиски инструменти.
Низ својата професионална кариера развива силни аналитички и лидерски способности, особено во области поврзани со управување со средства, финансиски пазари и донесување стратешки инвестициски одлуки. Нејзиното искуство вклучува раководење со тимови, координација на инвестициски процеси и работа во средини со висок степен на одговорност и регулаторна усогласеност.
Континуирано ги унапредува своите знаења преку професионални обуки и следење на современите трендови во управувањето со средства, финансиската анализа и инвестициското советување.
Постојано ги подобрува и проширува своите знаења и вештини преку присуство на бројни конференции од областа на управување со средства и управување со ризици.
Марио Ѓорѓиев – Неизвршен директор
Роден на 22.03.1995 година во Скопје, Република Северна Македонија, каде го завршува основното и средното образование. Во 2017 година дипломира на Економскиот факултет при Универзитетот „Св. Кирил и Методиј“ во Скопје и се стекнува со звање дипломиран економист по финансиски менаџмент.
Својата професионална кариера ја започнува во ВФП Фонд Менаџмент АД Скопје како Финансиски аналитичар, по што напредува на повеќе раководни позиции во областа на управувањето со средства и инвестициските фондови. Во периодот од 2019 до 2022 година ја извршува позицијата Раководител на организациската единица за управување со средства, каде активно учествува во развојот на услугата за управување со индивидуални портфолија, креирање инвестициски стратегии и унапредување на интерните процеси. Во овој период има значајна улога и во лансирањето на ВФП Дивиденден Акциски Фонд, првиот инвестициски фонд во Македонија кој исплаќа дивиденда на инвеститорите.
Во 2019 година се стекнува со лиценца за инвестициски советник издадена од Комисијата за хартии од вредност на Република Северна Македонија, а од 2022 година е носител на престижната титула CFA Charterholder, една од највисоко признатите професионални квалификации во областа на инвестициите и управувањето со средства.
Од октомври 2022 година ја извршува функцијата Претседател на Управниот одбор на ВФП Пензиско Друштво АД Скопје, каде е одговорен за стратешкото и оперативното управување на друштвото, развојот на пензиските производи и следењето на инвестициската политика на доброволниот пензиски фонд.
Од 2023 година е член на Одборот на директори на BlueSmart Investments во Софија, Бугарија, каде придонесува во развојот на меѓународните активности и преносот на инвестициско и оперативно знаење во рамки на групацијата.
Од 2026 година е неизвршен член на Одборот на директори на ВФП Фонд Менаџмент АД Скопје, каде придонесува во креирањето на стратешки насоки, корпоративното управување и развојот на компанијата.
Поседува долгогодишно искуство во управување со инвестиции, финансиски пазари и раководење со тимови, а континуирано работи на унапредување на своите професионални знаења и вештини.
MMag.Paul Stefan Swoboda – Неизвршен и независен член на Одбор на директори
Роден на 28.03.1980 година во Грац, Австрија. Дипломирал бизнис администрација и филозофија со руски јазик на Универзитетот во Грац, а своето образование го надградува преку постдипломски студии по меѓународно банкарско право и пазари на капитал на Универзитетот Дунав Кремс, како и преку специјализирани програми за осигурување, одржливост и корпоративно управување.
Својата кариера ја започнува во ГРАВЕ Групацијата во 2004 година како асистент на Извршниот директор на Grazer Wechselseitige Versicherung AG. Од 2006 година ја продолжува својата професионална кариера во Романија, каде извршува повеќе раководни функции во GRAWE Romania Asigurare SA, вклучувајќи Финансиски директор, Главен финансиски директор и Главен извршен директор.
Од 2020 до 2022 година е член на Управниот одбор на Security Kapitalanlage AG, а од 2022 година е член на Управниот одбор на Grazer Wechselseitige Versicherung AG, една од водечките осигурителни групации во Централна и Југоисточна Европа.
Покрај извршните функции, активно учествува во работата на бројни надзорни и управни одбори во рамки на ГРАВЕ Групацијата во Австрија, Романија, Бугарија, Украина, Молдавија, Србија, Кипар и Унгарија, како и во финансиски и осигурителни институции во регионот.
Поседува повеќе од две децении меѓународно искуство во осигурување, финансии, корпоративно управување и стратешки менаџмент, а активно придонесува кон развојот на осигурителниот сектор преку учество во професионални здруженија и управни тела на национално и меѓународно ниво.
SQ
EN