SQ
EN
L’Oreal
Француската компанија L’Oréal е водечки светски производител на козметички производи. Компанијата е основана во 1909 година од хемичарот Ежен Шулер, кој ја развил првата боја за коса на компанијата, со што го поставил темелот за нејзиниот понатамошен развој. Денес, L’Oréal има повеќе од 95 илјади вработени и ги пласира своите производи во над 150 земји низ светот.
Компанијата развива, произведува и продава широк асортиман производи за убавина, вклучувајќи производи за нега на кожа и коса, шминка, бои за коса, парфеми и дерматолошка козметика. Нејзиното портфолио опфаќа 40 меѓународни брендови, меѓу кои Lancôme, Yves Saint Laurent Beauty, Maybelline New York, L’Oréal Paris, Kiehl’s, Garnier и Armani Beauty. Дејноста на компанијата е организирана во четири главни дивизии: производи за широка потрошувачка, луксузни производи, професионални производи и дерматолошка козметика.
