WVP Ethics Aksione është një fond për investitorë që duan rritjen e kapitalit – por brenda vlerave të qarta. Në një botë ku fitimi është prioritet, ky fond investon ekskluzivisht në korporata të mëdha dhe të qëndrueshme nga tregje të zhvilluara, me parametra financiarë të qartë dhe potencial afatgjatë rritjeje.
Në vend të një ekspozimi të gjerë dhe të pakontrolluar, portofoli ndërtohet në mënyrë selektive, me kritere strikte për cilësinë, strukturën e borxhit dhe qëndrueshmërinë. Rezultati është një strategji që pranon rrezikun në këmbim të potencialit për kthim më të lartë.
Në procesin e administrimit të mjeteve, Shoqëria zbaton përvojën shumëvjeçare të Grupacionit WVP, veçanërisht politikën investuese të fondit të mbyllur investues WVP Invest nga Austria.
Qëllimi i investimit do të arrihet përmes administrimit profesional të mjeteve të fondit, përkatësisht krijimit të një portofoli letrash me vlerë në tregjet më të zhvilluara dhe më të rregulluara në botë. Në fokusin e politikës së investimit të fondit do të jenë kompanitë e mëdha – „Large Caps”, të cilat janë lidere në industritë e tyre dhe kanë një histori të vazhdueshme dhe në rritje të shpërndarjes së dividentëve për investitorët.
Në procesin e investimit, vëmendje e veçantë i kushtohet minimizimit të rreziqeve që mund të paraqiten në këtë lloj investimi. Fondi investon ekskluzivisht në kompani me kapitalizim tregu mbi 2 miliardë euro nga vendet e zhvilluara, duke përzgjedhur kompani me fundamente solide në përputhje me parimet etike të sheriatit dhe duke i mbajtur ato për periudha afatgjata, në pritje që të japin rritje të fitimit nga veprimtaria.
Procesi i ndërtimit të portofolit fillon me përjashtimin e sektorëve dhe aktiviteteve që nuk janë në përputhje me parimet e sheriatit; në përzgjedhjen e kompanive përjashtohen ato me më shumë se 5% të të ardhurave totale nga:
Shoqëria kujdeset që asnjë kompani e përfshirë në portofolin të mos ketë raport borxh/kapitalizim tregu mbi 33% dhe të mos zotërojë para likuide ose instrumente financiare afatshkurtra që tejkalojnë 33% të kapitalizimit të tregut të saj. Ky kriter strikt financiar siguron përputhshmëri me ligjet e sheriatit në lidhje me interesin dhe borxhin.
WVP ETHICS AKSIONE është fond i hapur investues, i themeluar me miratim të Komisionit të Letrave me Vlerë të Republikës së Maqedonisë së Veriut me Vendim numër UP1 08-52 të datës 22.07.2024.
Ky është fond i destinuar për një tip të veçantë investitorësh, atyre që dinë në çfarë investojnë. Është ideal për:
Raporte financiare dhe të auditimit për WVP Ethics Aksione f.h.i.
Strategjia sipas së cilës ndërtohet portofoli i Fondit WVP ETHICS AKSIONE përmban nivel të lartë rreziku, më të lartë se rreziku karakteristik për fondet monetare apo për fondet që investojnë vetëm në letra me vlerë borxhi (obligacione), por në të njëjtën kohë më të ulët se rreziku i fondeve që investojnë vetëm në aksione të kompanive të vogla dhe të mesme apo nga vendet në zhvillim. Llogaritja e kategorisë së rrezikut do të bazohet në lëvizjen historike të çmimit të pjesëve dhe vlerës neto të aseteve të Fondit kur të ketë mostër të mjaftueshme për llogaritjen e tyre.
| Lloji i rrezikut | Niveli i ndikimit |
| WVP Ethics Aksione | |
| I tregut (Ndryshim i:) | |
| çmimeve të letrave me vlerë | |
| normave të interesit | |
| kurseve të këmbimit | |
| rreziku i likuiditetit | |
| Rreziku kreditor | |
| Rreziku politik | |
| Ndryshim i rregullave tatimore | |
| Rreziku nga pala tjetër kontraktuese | |
| Rreziku operacional | |
| Rreziku lidhur me ruajtjen e aseteve të fondit |
Rreziku i tregut – Varet nga lëvizja e çmimeve të tregut të letrave me vlerë që janë pjesë e portofolit të Fondit.
Rreziku kreditor – Probabiliteti që emetuesi i një letre me vlerë të caktuar të mos jetë në gjendje, plotësisht ose pjesërisht, të përmbushë detyrimet e tij në momentin kur ato bëhen të kërkueshme.
Rreziku i normave të interesit – Ndryshimi i normave të interesit mund të ndikojë pozitivisht ose negativisht në vlerën e aseteve të Fondit, pasi pjesa më e madhe e mjeteve do të investohet në letra me vlerë borxhi dhe në depozita të bankave të autorizuara në RMV.
Rreziku valutor – paraqitet me ndryshimin e çmimit të një valute kundrejt një tjetre.
Rreziku i likuiditetit – Probabiliteti që Fondi në një moment të caktuar të ketë vështirësi në sigurimin e mjeteve për të shlyer detyrimet që lidhen me tërheqjen e pjesëve nga Fondi, si rezultat i pamundësisë për të shitur shpejt asetet financiare me çmim afërsisht të barabartë me vlerën e tyre reale, kryesisht për shkak të kërkesës aktualisht të pafavorshme në treg.
Rreziku politik – Probabiliteti i krizave të mundshme politike në vendet ku Fondi ka investuar sipas këtij Prospekti mund të çojë në ndryshim të vlerës së aseteve të Fondit.
Rreziku i ndryshimit të rregullave tatimore – Probabiliteti që autoriteti legjislativ, në Republikën e Maqedonisë së Veriut ose jashtë saj, të ndryshojë rregullat tatimore në mënyrë që do të ndikonte negativisht në kthimin e Fondit.
Rreziku operacional – përmbledh të gjitha pasiguritë që janë pjesë e veprimtarisë së përditshme të Shoqërisë. Ato mund të vijnë nga lëshime në proceset e brendshme, gabime njerëzore, informatike, ligjore dhe sistemore.
Fondi investon në kompani që plotësojnë kriteret e veprimtarisë etike dhe të qëndrueshme në përputhje me parimet e sheriatit për investime. Kjo përfshin faktorë si mosinvestimi në kompani që merren me alkool, armë, duhan, bixhoz, pornografi dhe të tjera. Qëllimi është të arrihet kthim, por me një qasje të përgjegjshme ndaj investimeve.
Jo domosdoshmërisht. Edhe pse zgjedhja e kompanive është e kufizuar sipas kritereve të mësipërme, shumë prej kompanive ku investohet janë të qëndrueshme dhe të mirëadministruara.
Ky fond është i përshtatshëm për investitorë që duan që investimet e tyre të kenë ndikim pozitiv dhe të sjellin ndryshim në botë, pa hequr dorë nga kthimi potencial i investimit. Më shpesh e zgjedhin personat që duan t’i kombinojnë qëllimet financiare me vlerat personale në të cilat besojnë.
MK
EN