WVP Bond është një fond që ndërthur stabilitet dhe potencial rritjeje përmes obligacioneve të zgjedhura me kujdes (instrumente borxhi) nga tregjet në zhvillim. Me fokus në rrezik të moderuar dhe shpërndarje të disiplinuar të mjeteve, fondi ka potencial të arrijë kthime që mund të jenë më të larta në krahasim me depozitat tradicionale…
Administrimi profesional, diversifikimi gjeografik dhe riinvestimi automatik krijojnë një strukturë që punon vazhdimisht në favorin tuaj.
Sipas strategjisë së investimit, fondi është para së gjithash i destinuar për investitorë që nuk dëshirojnë t’i ekspozojnë mjetet e tyre ndaj rrezikut të lartë dhe që në afat të mesëm dëshirojnë të arrijnë një kthim atraktiv mbi mjetet e tyre.
Për të realizuar qëllimin e investimit, Shoqëria investon mjetet e aseteve të Fondit kryesisht në letra me vlerë borxhi të transferueshme (afatshkurtra dhe afatgjata), instrumente të tregut të parave, si dhe në depozita, përkatësisht në instrumente me të njëjtën ose të ngjashme strategji investimi.
Të paktën 60% e aseteve të fondit do të investohen në obligacione të emetuesve që kanë selinë në vende me tregje në zhvillim, me ose pa rating të rekomanduar investues. Pjesa tjetër e aseteve të fondit mund të investohet në obligacione të emetuesve që nuk e kanë selinë në vende me tregje në zhvillim, në depozita dhe para në llogari në banka të autorizuara në RMV, si dhe në fonde investuese me strategji të njëjtë ose të ngjashme.
* Të dhënat janë nga 31.03.2026
WVP BOND është një fond i hapur investues, i themeluar me miratim të Komisionit të Letrave me Vlerë të Republikës së Maqedonisë së Veriut me Vendim numër UP 1 08-80 të datës 16.12.2016.
Motivet kryesore për investitorët në fond janë:
Ky fond është ideal për:
Raporte financiare dhe të auditimit për WVP Bond f.h.i.
Politika e investimit sipas së cilës ndërtohet portofoli i Fondit WVP Bond përmban nivel të moderuar rreziku, më të lartë se rreziku karakteristik për fondet monetare, por në të njëjtën kohë më të ulët se rreziku i fondeve që investojnë në aksione.
| Lloji i rrezikut | Niveli i ndikimit |
| WVP Bond | |
| I tregut (Ndryshim i:) | |
| çmimeve të letrave me vlerë | i lartë |
| normave të interesit | i lartë |
| kurseve të këmbimit | i mesëm |
| rreziku i likuiditetit | i ulët |
| Rreziku kreditor | i mesëm |
| Rreziku politik | i ulët |
| Ndryshim i rregullave tatimore | i ulët |
| Rreziku nga pala tjetër kontraktuese | i ulët |
| Rreziku operacional | i mesëm |
| Rreziku lidhur me ruajtjen e aseteve të fondit | i ulët |
Si pjesë e procedurës për identifikimin e rreziqeve, në përputhje me politikën e investimit dhe strukturën e planifikuar të investimit të fondeve, të përcaktuar në Prospektin e fondit investues, Shoqëria identifikon rreziqet e mëposhtme të investimit:
Rreziku i tregut – Varet nga lëvizja e çmimeve të tregut të letrave me vlerë që janë pjesë e portofolit të Fondit.
Rreziku kreditor – Probabiliteti që emetuesi i një letre me vlerë të caktuar të mos jetë në gjendje, plotësisht ose pjesërisht, të përmbushë detyrimet e tij në momentin kur ato bëhen të kërkueshme.
Rreziku i normave të interesit – Ndryshimi i normave të interesit mund të ndikojë pozitivisht ose negativisht në vlerën e aseteve të Fondit, pasi pjesa më e madhe e mjeteve do të investohet në letra me vlerë borxhi dhe në depozita të bankave të autorizuara në RMV.
Rreziku valutor – paraqitet me ndryshimin e çmimit të një valute kundrejt një tjetre.
Rreziku i likuiditetit – Probabiliteti që Fondi në një moment të caktuar të ketë vështirësi në sigurimin e mjeteve për të shlyer detyrimet që lidhen me tërheqjen e pjesëve nga Fondi, si rezultat i pamundësisë për të shitur shpejt asetet financiare me çmim afërsisht të barabartë me vlerën e tyre reale, kryesisht për shkak të kërkesës aktualisht të pafavorshme në treg.
Rreziku politik – Probabiliteti i krizave të mundshme politike në vendet ku Fondi ka investuar sipas këtij Prospekti mund të çojë në ndryshim të vlerës së aseteve të Fondit.
Rreziku i ndryshimit të rregullave tatimore – Probabiliteti që autoriteti legjislativ, në Republikën e Maqedonisë së Veriut ose jashtë saj, të ndryshojë rregullat tatimore në mënyrë që do të ndikonte negativisht në kthimin e Fondit.
Rreziku operacional – përmbledh të gjitha pasiguritë që janë pjesë e veprimtarisë së përditshme të Shoqërisë. Ato mund të vijnë nga lëshime në proceset e brendshme, gabime njerëzore, informatike, ligjore dhe sistemore.
Fondi investon në instrumente borxhi të emetuara nga shtetet ose kompanitë. Këto instrumente paguajnë interes, që përfaqëson burimin e të ardhurave. Obligacionet në përgjithësi janë më pak të paqëndrueshme se aksionet, çka kontribuon në më shumë stabilitet të fondit.
Në parim, po. Fondet e obligacioneve kanë nivel më të ulët rreziku dhe luhatje më të vogla çmimi krahasuar me fondet aksionare. Megjithatë, ato janë të ekspozuara ndaj rreziqeve si ndryshimi i normave të interesit dhe rreziku kreditor, prandaj nuk janë plotësisht pa rrezik.
Kthimi është i moderuar dhe zakonisht më i ulët se ai i fondeve aksionare, por gjithashtu më i qëndrueshëm. Varet nga struktura e portofolit, normat e interesit dhe cilësia e emetuesve. Ky lloj fondi është i përshtatshëm për investitorë që kërkojnë një ekuilibër midis rrezikut dhe kthimit.
MK
EN